პარიზი

პარიზი ქალაქი რომელიც ხშირად რომანტიულ მოგზაურობას უკავშირდება საფრანგეთის დედაქალაქი და ქვეყნის ცენტრია. ის ერთ – ერთი წამყვანი ქალაქია  ევროპაში  კულტურული, ბიზნეს და პოლიტიკური მახასიათებლით. დასამახსოვრებელი ნეოკლასიკური არქიტექტურითა და მისი გავლენით მოდასა და ხელოვნებაზე. მეტსახელად „სინათლის ქალაქსაც“ (la Ville Lumière) ეძახიან.

პარიზი ერთდროულად ბევრ შეგრძნებას აღგიძრავთ, ის არის ელიტური, მოდური, მხიარული, წვიმისას ცოტათი სევდიანი და ხმაურიანი. წარმოუდგენელია პარიზში ერთხელ იმოგზაურო და უკან დაბრუნების სურვილი არ გაგიჩნდეს.

 როგორც უკვე ყველა ჩვენგანმა იცის პარიზი მუზეუმებისა და სანახაობების მრავალფეროვნებით გამოირჩევა, იქ აუცილებლად უნდა ნახოთ: ეიფელის კოშკის, ტრიუმფალური თაღის და ნოტ-დამის ტაძრი. საღამოს, მულენ რუჟის ერთ – ერთი ლეგენდარული კაბარეების ჩვენება, ულამაზესი უბნები, მაგალითად, მონმარტი, ან მონპარნასის კოშკი.თუმცა მაინც არის ძირითადი ღირსშესანიშაობები რომელთა მონახულების გარეშე ნამდვილი პარიზის შეცნობა შეუძლებელია.

წარმოუდგენელი იქნება ალბათ პრიზის სანახაობებზე ისე  ვისაუბროთ რომ თავდაპირველად მასთან ყველაზე ასოცირებადი არქიტექტურული მონსტრი არ ვახსენოთ.  ეიფელის კოშკი ტურისტების მხრივ ერთ-ერთი ყველაზე მონახულებადი ადგილია მსოფლიოში, დაახოებით წელიწადში 5,5 მილიონამდე დამთვალიერებელი სტუმრობს. სახელი პროექტის ავტორის ინჟინერ გიუსტავ ეიფელის პატივსაცემოდ უწოდეს, კოშკის სიმაღლე 300 მეტრია, რაც დაახლოებით 75 სართულს უდრის. მის თავზე 24 მეტრის სიმაღლის ანტენაა, რაც სტრუქტურის საერთო სიმაღლეს 324 მ ნიშნულზე სწევს. აშენების დროს, 1889 წელს, ეიფელის კოშკი ყველაზე მაღალი სტრუქტურა იყო მსოფლიოში. თუ ეიფელის ტურით დაინტერესედებით უნდა გაითვალისწინოთ რომ მისი ღირებულება 17 ევრომდეა, ხოლო მუშაობს 9:00-24:00 სთ.

მუზეუმების მიმოხილვა კი აუცილებლად ლუვრით უნდა დავიწყოთ.ლუვრის მუზეუმი (Musée du Louvre) – უდიდესი და ყველაზე განთქმული მუზეუმია მსოფლიოში, რომელსაც საშუალოდ 9.7 მილიონზე მეტი დამთვალიერებელი ჰყავს. მის მთავარ მოედანს კი თქვენთვის უკვე კარგად ცნობილი პირამიდა ამშვენებს. ლუვრის მუზეუმი ადრე ფრანგი მონარქების რეზიდენცია იყო, ამჟამად კი ის  ხელოვნების უზარმაზარ კოლექციას მოიცავს. აქ არიან ვენერა, მონალიზა, მარიანა…მოკლედ რომ ვთქვათ მსოფლიოს ცნობილმა ქალბატონებმა სწორედ აქ დაიდეს ბინა.  ლუვრის დათვალიერება საერთოდ სხვა სამყაროში და ეპოქაში გაგრძნობინებთ თავს, ალბათ ერთი დღეც არ ეყოფა რომ ის მთლიანად მოიაროთ, თუმცა სწორედ ესაა მიზეზიც მისი პოპულარობის. სტუმრების რაოდენობით ლუვრს ვერსალის სასახლე მოსდევს.  (Château de Versailles) – იყო საფრანგეთის მეფეების სადღესასწაულო სასახლე, რომელიც პარიზის გარეუბანში მდებარეობს. სასახლის აგების პერიოდში ვერსალი საერთოდ არ მიუკუთვნებოდა ქალაქს, ამჟამად კი პარიზის