ბალი

ბალი არის კუნძული რომელიც ჰაერის პირველი ამოსუნთქვიდან დაგიპყრობთ.

ბალის სიტყვებით აღწერა საკმაოდ რთულია, შეუძლებელია აღწერო ის გარემო, რაც კუნძულზე გხვდება ეს უბრალოდ ბუნებისგან შექმნილი, ხელშეუხებელი სასწაულია.ვინც ერთხელ მაინც მოინახულა ბალი, აუცილებლად შეიგრძნობს  ღმერთების კუნძულის არაჩვეულებრივი ენერგიას ე.წ. “ბალის მაგიას”.ეს მაგია ავსებს ყველა მოგზაურს სილამაზით და ენერგიით.

ბალი ინდონეზიის არქიპელაგის ნამდვილი მარგალიტია. კუნძული ხასიათდება როგორც თავშესაფარი იმ ადამიანებისთვის, რომლებიც ეგზოტიკური დანიშნულების ადგილებს ეძებენ. ბრწყინვალე სანაპირო ზოლი საყვარელი ადგილია ბრინჯაოს გარუჯვის მოყვარულთათვის.

 

კუნძული საოცარი პლაჟების გარდა,მოგზაურებს აოცებს  თავისი არქიტექტურით. უპირველეს ყოვლისა, საუბარია რელიგიურ შენობებზე. კუნძულის ყველა ტაძარი აგებულია ერთი და იგივე სქემის მიხედვით, მაგრამ შეუძლებელია ერთი იდენტური შენობის პოვნა. ყველაფერი ჰარმონიაშია და ადგილობრივი მოსახლეობის რელიგიურ შეხედულებას შეესაბამება. სინამდვილეში, რელიგია კუნძულის სათავეში დგას. ადგილობრივი მაცხოვრებლების ყოველდღიური საქმიანობა, ასეა თუ ისე, უკავშირდება ღმერთებთან ურთიერთობას. კუნძულზე ყოველ ახალ მთვარეზე ტარდება შესანიშნავი ფესტივალი, რომლის ნახვაც ტურისტებს შეუძლიათ.

ეს ტროპიკული სამოთხე მდიდარია ბუნებრივი სილამაზით. ნებისმიერი მაღალი მთიდან იშლება  განსაცვიფრებელი ხედი მწვანე ბრინჯის მინდვრებზე. კუნძულს აქვს რამდენიმე მიძინებული, არააქტიური და აქტიური ვულკანი.

ბალიზე მოგზაურობისას აუცილებლად უნდა დაკავდეთ სერფინგით, არ აქვს მნიშვნელობა თქვენ გამოცდილი სერფერი ხართ თუ არა, ადგილობრივები ამ შანსის ხელიდან გაშვებას, მიუტევებელ შეცდომად ჩაგითვლიან.

ბალის, ისევე როგორც აზიის სხვა ქვეყნების  სამზარეულო, ჩვენთვის, ეგზოტიკურია იმ სანელებლებისა და პროდუქტების სიუხვის წყალობით, რომლებსაც ჩვენთან ვერ იპოვით, ამიტომ არ გეპატიებათ თუ ამ კერძებს არ დააგემოვნებთ.

ბალი გაძლევთ საშუალებას, გაატაროთ თქვენი ოცნების ტროპიკული დასვენება. აქტიური ან უფრო მოდუნებული შვებულების ვარიანტის არჩევით.