დუბაი

დუბაი არაბთა გაერთიანებული საამიროების ყველაზე მრავალრიცხოვანი ქალაქი და საამირო, აგრეთვე, ტერიტორიის სიდიდის მიხედვით, მეორე უდიდესი ქალაქია აბუ-დაბუს შემდეგ. გასაოცარია თუ რა სისწრაფით აშენდა ეს ქალაქი და დღემდე ის ცათამბრჯენების ქალაქად არის ცნობილი. დუბაიში იშვიათად შეხვდებით ჩვეულებრივ საშუალო სიმაღლის კორპუსებს ან სახლებს. მისმა მთავარმა ღისშესანიშნობებმაც სწორედ თავიანთი სიდიადით გაითქვეს სახელი.

„ბურჯ ხალიფა“ დუბაიში ყველაზე ცნობილი ნაგებობაა, 829.84 მეტრი მას მსოფლიოში ყველაზე მაღალ შენობად აქცევს. 2010 წლის 4 იანვარს მისი გახსნის ცერემონიალს მილიონობით ადამიანი აკვირდებოდა პირდაპირ ეთერში. ცათამბრჯენს თავდაპირველად „ბურჯ დუბაი“ ერქვა, თუმცა გლობალური ფინანსური კრიზისის შემდეგ, როდესაც მშენებლობის შეწყვეტის საკითხი დადგა, დიდი როლი ითამაშა დუბაის მეზობელმა საემირო აბუ დაბიმ. არაბთა გერთიანებული ემირატების პრეზიდენტის (ხალიფა ბინ ზაიედ ალ ნაჰიანი) საპატივსაცემოდ, უდიდესი მხარდაჭერის გამო, ცათამბრჯენს მისი სახელი დაერქვა. ბურ ხალიფას არ ჩამოუვარდება  „ბურჯ ალ არაბი“ . ერთ-ერთი ყველაზე მდიდრული  321 მეტრის სიმაღლის სასტუმრო, რომელიც მსოფლიოში მეოთხე ადგილს იკავებს.ეს შენობა მისი ულამაზესი აფრისებრი გარეგნობის გამო, ერთ-ერთი ყველაზე პოპულარული ფოტო ობიექტია მთელს მსოფლიოში. „ბურჯ ალ არაბი“ აღიარებულია როგორც დუბაის სიმბოლო. სასტუმრო ხელოვნურ კუნძულზე დგას და მომრგვალებული ხიდით უკავშირდება სანაპიროს.

დუბაიში პლაჟები ძალიან სუფთა და წყალი წარმოუდგენლად მშვიდია. წყლის ტემპერატურა კი საშუალო, არც ისე თბილი და არ ისე ცივია,როგორც ხმელთაშუა ზღვა. სანაპოროსთან ახლოს არის უამრავი მაღაზიები თუმცა დღის განმავლობაში არ გირჩევთ შოპინგს რადგან ძალიან ცხელა. წარმოუდგენელია დუბაის პლიაჯებზე ისე ვისაუბროთ რომ პალმის კუნძულები არ ვახსენოთ.

პალმის კუნძულები ყველაზე ამბიციური პროექტია კერძო საკუთრების მშენებლობაში. თანამედროვე მსოფლიოში პალმის ფორმის ულამაზესი კუნძულები მსოფლიოს მერვე საოცრებადაა მიჩნეული. ისინი კარგად ჩანს კოსმოსიდანაც.

პალმის კუნძულები შედგება სამი პალმის ფორმის კუნძულისგან: პალმ ჯუმეირა, პალმ ჯებელ ალი და პალმ დეირა. მათ შორის ყველაზე მაშტაბური პალმ ჯუმეირა გახლავთ. კუნძულებზე წარმოდგენილია საცხოვრებელი სახლები, თემატური სასტრუმროები, ვილები, სანაპიროები, რესტორნები და სავაჭრო ობიექტები.

დუბაის რომ შენობებისა და ნაგებობებების მხრივ ბადალი არ ჰყავს ეს ყველამ კარგად იცის,  ამიტომ სასტუმრო „ატლანტისი“  მსოფლიოში ერთ-ერთი ყველაზე ცნობილი სასუმროს რიცხვს მიეკუთვნება. ატლანტისი  რომლიც ყოველწლიურად აკვირვებს თავის დამსვენებლებს, პალმ ჯუმეირაზეა აგებული, შესაბამისად მისი ადგილმდებაორეობა უკვე თავისებურ ხიბლს მატებს მას. სასტუმროს ულამაზესი, გიგანტური კარიბჭის ფორმა აქვს. გარდა მიწის ზემოთ წარმოდგენილი 22 სართულისა, რომლებიც დამსვენებლებს სპარსეთის ყურის ხედებით ატკბობს, ატლანტისი აგრეთვე ფლობს ორ წყალქვეშა ნომერს, რომელთაგან თითოეული სამ სართულიანია.

დუბაი ასევე ცნობილია Miracle Garden-ით. ბაღი Dubai Miracle Garden 2013 წელს ვალენტინობა დღეს გაიხსნა. იგი მოიცავს 72,000 მ² ტერიტორიას, სადაც 45 მილიონზე მეტი ყვავილია. ყვავილები ისეა დარგული, რომ მათ სხვადასხვა ორნამენტების ფორმა აქვთ მიღებული.შესვლის საფასური სულ რაღაც ხუთი დოლარია.

დუბაი აგაღელვებთ და აღტაცებაში მოგიყვანთ ამ საამიროს ტერიტორიაზე სავარაუდოდ თანამედროვეობის ყველა იმ საკვირველებამ მოიყარა თავი, რომლის წარმოდგენაც კი შეგიძლიათ. ამიტომ თუ თქვენ თანამედროვე არქიტექტურის ნახვა გსურთ აუცილებლად ეწვიეთ დუბაის.